MOWA

---

MOWA : Język polski | Света-Мова | Русский язык

---

Што такое Свята-Мова?

Свята-Мова - гэта падставовая мова для распрацоўкі нашага Светаразумення. Не, гэта не нейкая новая мова, накшталт Эсперанта, і не нейкі «наваяз». Наадварот, гэта адна з самых старажытных моваў свету, на якой размаўляюць і зараз!
З усіх моваў свету наша Свята-Мова мела за сваю гісторыю найбош назваў.

Напрыклад, яе называлі:
Свая мова, простая, тутэйшая, туташняя, крыўская, крывічская, літванская, літоўская, літоўска-славянская, літвінская, судзебная, канцылярская, каралеўская, паспалітая, мужыцкая, русінская, літоўска-русінская, руская, (старая) заходне-руская, руска-польская, стара-польская, падляшская мова... 

І зараз з усіх існуючых моваў да гэтай мовы найбліжэй за ўсё тая, што ў наш час па долі лёсу называецца «беларуская».

Хоць, згодна з незалежнымі даслеждчыкамі гісторыі мовы, культуры і цывілізацый гістарычна-правільней называць гэтую мову не беларускай, а «літоўскай» ці «літвінскай». Каб не губляць час на гістарычныя споры мы назвалі гэтую мову «Свята-Мова»!

Чаму ж мы абралі менавіта гэтую мову для распрацоўкі нашага Светаразумення? Вось толькі некалькі для гэтага прычынаў:

• Свята-Мова - гэта самая старажытная з усіх славянскіх моваў і адна з найстаражытнейшых у свеце. Свята-Мова найболь блізкая да праславянскай мовы, гэта маці ўсіх славянскіх моваў.
• Свята-Мова - гэта самая чыстая і нескажоная з усіх славянскіх моваў. Знаходзячыся астатнія стагоддзе па-за полем удзелу ў дзяржаўным кіраванні і ў ценю цывілізацыйнага развіцці яна больш, чым іншыя мовы захавала сваю значальную чысціню.
• Свята-Мова - гэта адна з самых багатых у свеце па слоўнікаваму запасу уступае толькі кітайскай, грэцкай і арабскай мовам. І калі ў літаратурнай мове налічваецца больш 500 тысяч слоў, то ў дыялектнай - больш 3 мільёнаў!
• З усіх еўрапейскіх моваў (!), менавіта, на Свята-Мове записаны самы багаты фальклор (народная пазачасовая мудрасць).
• Свята-Мова - гэта адна з нямногіх моваў Свету, на якой сфармулявана свая ўласна касмагонія ці мадэль стварэння Сусвету.
• Свята-Мова з'яўляецца ключом да старажытнай славянскай этымалогіі (паходжання словаў) і тапанімікі (значэння назваў гераграфічных аб'ектаў).
• Свята-Мова растлумачвае этымалогію (паходжанне, сэнс) многіх санскрыцкіх словаў і паняццяў (прыпомнім, што многімі навукоўцамі санскрыт лічыцца асновай усіх моваў інда-еўрапейскай сям'і і самай старой мовай). Таму Свята-Мова нясе самыя нескажонныя значальныя сэнсы і паняцці.
• Свята-Мова некалі з'яўлялася мовай пагранічных ці нават міжцывілізацыйных камунікацыяў паміж рознымі народамі. Таму Свята-Мова аб'ядноўвае ў сабе вялікія пласты кельцкай, гальскай, гоцкай, балтцкай і славянскай лексікі.
• Свята-Мова вельмі добра распрацавана, мае тры алфавіты, існуе ў двух правапісах, мае вельмі старажытныя пісьменныя крыніцы і друкаваныя помнікі. Напрыклад, Біблія на Свята-Мове была надрукавана раней чым на ангельскай, іспанскай, французкай, партугальскай, італьянскай, польскай, раней, нават, чым на нямецкай [кнігі Ветхага Завета], тым больш на расейскай мове, куды кнігадрук прыйшоў больш чым на 100 гадоў пазней.
• Свята-Мова адзіная ў свеце, літаратурныя і пісьмовыя помнікі якой ствараліся адначасова з выкарыстаннем трох графічных сістэм: кірыліцы, лацінцы і арабскай вязі. Дзякуючы гэтаму вучоныя лінгвісты ведаць, як дакладна гучалі словы гэтай мовы нават 500 гадоў назад. Існуюць таксама шматлікія помнікі дахрысціянскай рунічнай пісьменнасці.
• Свята-Мова (па дазеных даследванняў ЮНЭСКА) з'яўляецца другой у свеце па мілагучнасці, уступаючы толькі італьянскай мове.
• Свята-Мова, з'яўляючыся вельмі прыроднай, лагоднай, ласкавай, пяшчотнай, напеўна-мілагучнай, далікатнай, успакойваючай. Таму яна аказвае вельмі добры нейра-лінглістычны і псіхатэрапеўтычны ўплыў на свядамасць, падсвядомасць, энергетыку, псіхічны стан, развіццё творчых і інтэлектуальных здольнасцей.
• Свята-Мова некалі была часткай сакральнай рытуальнай мовы крэваў і вайдэлотаў - крэўскіх ці крывіцкіх святароў і мудрацоў, продкі якіх яшчэ намного раней былі захавальнікамі самых таемных і паважаных містэрый усёй Еўропы і Малой Азіі. Як іх нашчадніца, Свята-Мова нясе самыя глыбінныя паняцці, падставовыя для лепшага разумення свету і Сусвету. У сучасных мовах сэнс многіх паняццяў згублены, скажоны ці падменены. А як некалі казаў Канфуцый, якога імператар збіраўся прыцягнуць да кіравання дзяржавай: «Неабходна пачаць з выпраўлення імёнаў [назваў]»!
  Таму, каб лягчэй дакапавацца да ісціны - лепей карыстацца як мага найстаражытнейшымі мовамі. Менавіта таму, сярод мысляроў і шукальнікаў сэнсу такія папулярныя лацінская мова і санскрыт.
  Акрамя таго вывучэнне старажытных моваў сёння лічыцца самым галоўным чыннікам для развіцця мыслення. Таму старажытныя мовы зараз выкладаюцца ў закрытых школах для эліт, а знаўцы як-быццам «мёртвых» моваў назначаюцца кіраўнікамі самых уплывовых транс-нацыянальных карпарацый.

Вось чаму для распрацоўкі нашага Светаразумення мы абралі менавіта Свята-Мову, якая такая ж самая старажытняя, а можа нават і больш глыбокая, чым лаціна і санскрыт. Тым больш, што яна вельмі прыродная, лагічная, інтуітыўна зразумелая носьбітам іншых славянскіх моваў і вельмі простая ў вывучанні нават для далёкіх чужаземцаў, сярод якіх назіраецца рост зацікаўленнасці да яе засваення.

Падрабязней пра шматлікія дзіўныя асаблівасці і самыя нечаканыя перавагі «Свята-Мовы» хутка будзе можна прачытаць у кнізе Андрэя Жалевіча «Свята-Мова. Крыніцы Светаразумення», якая рыхтуецца да выдання.