Зорка Венера ці Мілавіца - гэта найважнейшая для нашых продкаў звязда. Не дарэмна ж яна мае ў нашай старажытнай мове больш чым 15 назваў!

Вось, як называлі нашыя продкі Венеру:
Мілавіца, Зарніца, Зараніца, Заранка, Зараначка, Заранічка, Світальная Зорка / Вечарніца, Вечарнічка, Вячорка, Вечэрня Зора / Звярыніца, Звяраніца, Воўча Звязда, Воўчая зорка, Мядзведзіца / Дзянніца, Пяруніца (Пяруніца-Маланіца, Пяруніца-Бліскавіца, Грамаўніца - Цёця, Жонка Перуна) /  Месяцова памочніца... Да яе нашыя продкі таксама звярталіся, назваўшы яе Матка Зорка, «Зара-заранічка, Божая памашнічка», Віфлеемская зорка і гэтак далей...
Венера-Мілавіца ў лiтвiнскiх казках называецца яшчэ і «другім сонцам». А ў латышскіх песнях Венера, альбо зорка Вечарніца / Зарніца, завецца Сонцавай дачкой (Saules meita). У сербскім песенным фальклоры гаворыцца, што Венера – абранніца Месяца і называецца Даніцай. Дарэчы, Мілавіца ў многіх з прааналізаваных тэкстаў паўстае прыгожай дзяўчынай, якая існуе ў моры, ці проста як зорка, што сядае за вялікія воды.

З глыбокай даўніны Мілавіца сымбалізавала такія якасці, як:

• Святло, Багіня.
• Прыгажосць.
• Творчасць.
• Чысціню.
• Пачуцці.
• Каханне. 
• Любоў.
• Лад.

Зараз найбольш распаўсюджанае разуменне Венеры згодна з грэцкімі і рымскімі ўяўленнямі пра якасці гэтай планеты. Але ж грэкі і рымляне пад час падзення і закату сваіх цывілізацый гублялі не толькі норавы, але і разуменне сэнсаў. Разам з іх нораўнай і духоўнай дэградацыяй іх культур адбылася і дэградацыя сэнсаў і страта глыбінных значэнняў важных паняццяў.
Таму яны пачалі лічыць Венеру - багіняй цялеснага кахання, брудных пацехаў і асалоды ад выкарыстання палавых органаў. Прычым выкарыстання часам іх нават і не па іх прызначэнню.
Служкамі Венеры пачалі называць прастытутак і звязалі гэтую свяшчэнную Планету не толькі з распустай і палавымі вышчарствамі, але нават і з хваробамі, якія перадаюцца палавым шляхам, назваўшы іх венерычнымі...

Але, разбураючы першы міф, скажам, што Венера не толькі не з'яўляецца апянуком палавой распусты, але і пазбаўляе творчых здольнасцей тых, хто не ўмее кіраваць сваім палавым жыццём і дарэмна губляе самую сакральную энергію Сусвету.
І наадварот, тым людзям, якія кіруюць сваёй палавой энергіяй і выкарыстоўваюць яе для духоўнага развіцця - Венера даруе творчыя таленты і нават містычныя звышздольнасці.

І ў розных сапраўдных містычных традыцыях усіх часоў і народаў кіраванню энергіяй Венеры ў чалавеку ўдзяляецца вельмі вялікае, нават сакральнае значэнне. 
Паколькі энергія Венеры вельмі ўзмацняе патэнцыял і разшырае магчымасці чалавека, то гэтыя веды заўсёды былі тайнымі і перадаваліся мудрацамі толькі выбранным асобам. Напрыклад, імператарам.

Гаворачы пра Венеру-Мілавіцу можна выдзяліць розныя ўзроўні прапрацоўкі яе энергій і якасцей у асобе і Душы чалавека.

0. Самы, нават не першы, а нулявы ўзровень - гэта палавая распушчанасць і безкантрольная растрата творчых сілаў і сакральных энергіяў. За такія паводзіны Венера карае чалавека, пазбаўляючы яго не толькі талентаў і здольнасцей, але энергіі і сілаў.

1. Гэта самы звычайны базавы ўзровень зацікаўленасці чалавека палавым жыццём, калі чалавек яшчэ не ўмее добра кіраваць энергіяй Венеры, але пры гэтым ужо не з'яўляецца распутнікам і не губляе яе празмерна.

2. Спажыўцы прыемнасці і асалоды, камфорту і зручнасці, прыгажосці і гармоніі, кахання і нават любові. Гэта людзі, якія імкнуцца да атрымання найбольшай асалоды для свайго цела і пачуццяў. У нейкім сэнсе гэта сярэднія прадстаўнікі сучаснай нашай цывілізацыі, якая дзеля шопагагізму, спажывання ўсё большай і большай колькасці забаў і пацех знішчае Прыроду і пагражае існаванню жыцця на Зямлі.

3. Працаўнікі індустрыі прыемнасці, асалоды, забаў і пацехаў (рэстаратары, кулінары, цукерачнікі, массажысты, забаўляльнікі, аніматары, шоу-мены, шуты, клоўны, ілюзіяністы, канферансье, прадзюсары, стрыптызёры, круп'е, тамады). Гэта ўсе, хто сваёй дзейнасцю нясе асалоду і дастаўляе задавальненне пачуццям асобы.

4. Працаўнікі індустрыі прыгажосці (касметалагі, парфюмеры, дызайнеры, мадэльеры, фларысты, афарміцелі, садоўнікі, дэкаратары, маляры, шпалершчыкі). Гэта ўсе, чыя справа заключаецца ў стварэнні прыемных і прыгожых рэчаў, якія нясуць асалоду і дастаўляць задавальненне.

5. Праваднікі прыгажосці і гармоніі. Артысты, музыканты, песняры, дырыжоры, танцоры, акторы, рэжысёры. Гэта дзеячы культуры галоўнае прызначэнне каторых з'яўляецца ўзвышаць пачуцці людзей, кранаць сэрцы, натхняць, адухатвараць, расшыраць свядомасць праз выкананне твораў сапраўдных майстроў! Прыкладамі такіх актораў з'яўляецца Адрыана Чэлентана, Мэл Гібсан і так далей.

6. Стваральнікі такой прыгажосці, якая адчыняе сэрцы, азарае разум, вядзе да Бога, дапамагае людзям знайсці сваё Прызначэнне, жыць і дзейнічаць у ладзе з самімі сабой, асяроддем і Сусветам. Гэта мастакі, паэты, пісьменнікі мастацкіх твораў, сцэнарысты, казачнікі, кампазітары, скульптары, фатографы, гравёры, архітэктары, будаўнікі храмаў, ювеліры і так далей. Прыкладамі такіх майстоў з'яўляюцца Рафаэль Санці, Антоніа Вівальдзі...

7. Лекары-гарманізатары здароўя, лесу і прасторы (халестычныя дактары, псіхасаматы, майстры аюрведы, цигун, фэн-шуй, знахары, астролагі, міратворцы, дыпламаты). Прыкладамі, могуць быць заснавальнік Германскай Новай Медыцыны доктар Райк Хамер, Джузэпэ Маскаты, Францыск Скарына.

8. Містыкі, служыцелі Божай Маці, Багародзіцы, Шакці. Гэта сапраўдныя ягіны, бхакты (адданыя), шакты, сіддхі (Амар Хайям, Серафім Сароўскі, Йогананда Парамаханса, Кабір, Шырдзі Саі Баба).

9. Святыя, Махасіддхі, Махарышы, Махатмы, якія дасягнулі Найвышэйшай Йогі, Ісцінай Тантры, Парадвайты - Абсалютнага Адзінства з усім Сусветам. Гэта Вялікія Душы, якія за сваё адданае служэнне Богу былі бласлаўлены самой Шакці (Божай Маці) яе Шакціпатам - сыходжаннем на іх яе Вышэйшай Міласці (Ануграхі), духоўнай энергіі, якая расшырае свядомасць да бязмежа Сусвету і на ўсіх узроўнях быцьця пераўтварае іх ў Святло Боскай Любові!

© Вытрымкі з кнігі Андрэя Жалевіча і Катажыны Партыцкай «Астрасофія ці астрологія прызначэння. Як з дапамогай астралогіі зразумець свой Шлях».