БРЭЙНБІЛДЫНГ ЦІ БУДОВА «М.Е.Т.А.МОЗГУ»
На працэсы пазнання і мыслення вельмі моцна ўплывае развіццё нашага мозгу. А развіццё мозгу ці брэйнбілдынг у сваю чаргу не магчымы без лепшага разуменння яго складу і будовы.
Апошнім часам папулярнай стала тэорыя трыадзінага мозгу (Triune brain) амерыканскага нейрафізіялога Пола Макліна (Paul D. MacLean), згодна з якой наш мозг складаецца з трох частак.
- Рэптыльны мозг.
- Мозг млекакормячых.
- Чалавечы мозг.
Як і ўсе карысныя веды яна раўніва апрэчваецца афіцыйнай артадаксальнай навукай.
Аднак, гэтая тэорыя дапамагае шмат што зразумець у паводзінах людзей. Таму мы яе выкарыстоўваем у сваім Светаразуменні. Але, якой цудоўнай не была б тэорыя трыадзінага мозгу Пола Макліна, аднак для нас яна недастатковая. Таму мы дапоўнілі 3 мозгі Пола Макліна яшчэ шасцю іншымі тыпамі мозгу, пра якія навукоўцы забываюцца. Так ў межах нашага новага Светаразумення мы стварылі сваю ўласную 9-цірычную структуру мозгу.
- Тры дарэптыльныя тыпы мозгу.
- Тры мозгі тэорыі Пола Макліна.
- Тры звышчалавечыя тыпы мозгу.
А цяпер крыху падрабязней пра 9-цірычную структуру М.Е.Т.А.Мозгу ва ўкладзе нашага Светаразумення.
ТРЫ ДАРЭПТЫЛЬНЫЯ ТЫПЫ МОЗГУ
1. Базавы ці коранёвы мозг, пра які пісаў яшчэ Чарльз Дарвин, што даследаваў розум раслінаў, а дакладней іх каранёў. З часоў Арыстоцеля людзі недаацэньваюць расліны. Бацька заходняй логікі лічыў, што расліны знаходзяцца на мяжы паміж жывой і нежывой формамі жыцця. Яны не маюць патрэбы ў адчуваннях і тым больш розуме. Але ці так гэта?
Шэраг навукоўцаў даследавалі раслінны ці вегетатыўны інтэлект. Чарльз Дарвін (Charles Darwin), Лютэр Бёрбанк (Luther Burbank), Кліў Бакстэр (Grover Cleveland «Cleve» Backster), Гарольд Сакстон Берр (Harold Saxton Burr), Сьюзен Сімард (Suzanne W. Simard), Стэфана Манкуза (Stefano Mancuso) пацвярджаюць разумнасць раслін.
У чалавеку раслінны інтэлект таксама выконвае сваю ролю, бо некаторыя структурныя элементы нашага арганізма фукцыянуюць, падобна раслінам. Таму, напрыклад, каб добра раслі валасы ці мускульныя валокны, трэба іх лашчыць, хваліць, супакойваць, радаваць мілагучнай класічнай музыкай і так далей.
2. Брушны ці кішэчны мозг пад час эвалюцыі дастаўся нам у спадчыну ад нашых самых далёкіх продкаў - трубчастых чарвякоў, калі жывёлы прадстаўлялі сабой простую трубку праз якую праходзіла ежа і вакол якой фарміравалася нервовая сістэма. Зараз наш брушны мозг уяўляе сабою велізарную нейронавую сетку, якую называюць энтэральнай нервовай сістэмай (ЭНС). Дык вось, напрыклад, каля 90% сератаніна ці сератанін-падобных рэчываў насамрэч выпрацоўваюцца не ў мозгу, а менавіта ў кішэчніку. Навукоўцы адкрылі, што праз адпаведнае ўздзеянне на жывот і кішэчнік можна стымуляваць развіццё інтэллектуальных здольнасцей чалавека.
3. Спінны мозг пад час эвалюціі мы атрымалі ў спадчыну ад хордавых - бліжэйшых родзічаў пазваночных.
Спінны мозг з'яўляецца неад'емнай часткай цэнтральнай нервовай сістэмы і выконвае мноства функцый, напрыклад, адказвае за рэфлексны інтэлект і рэалізацыю рэфлексаў. На гэтым заснавана ўся рэфлексатэрапія, акупуктура, многія віды масажу, марпатэрапія і нават многія ягічныя практыкі.
ТРЫАДЗІНЫ МОЗГ (TRIUNE BRAIN) ПОЛА МАКЛІНА
4. Рэптыльны мозг, ён жа ратыкулярны быў ужо ў старажытных рэптылій, адкуль і пайшла яго назва.
Ён адказвае за базавыя функцыі, неабходныя для выжывання:
умоўныя і безумоўныя рэфлексы і інстынкты (ежа, размнажэнне, самазахаванне, выжыванне, дамінаванне і так далей).
5. Мозг млекакормячых, ці лімбічны; ён жа эмацыйны мозг. Сваю назву атрымаў за тое, што ёсць у прадстаўнікоў гэтага класа жывёл.
Мозг млекакормячых адказвае за пачуцці, эмоцыі, сацыяльныя адносіны, а дакладней статкавыя інстынкты. Кантраляваць яго цяжка, у той час як ён нас - лёгка і вельмі добра кантралюе.
Ён імкнецца да атрымання імгненнага задавальнення і не асабліва любіць, каб мы напружваліся (калі толькі гэта не пагражае нам).
6. Чалавечы мозг, новая кара або неакортэкс. Яго яшчэ называюць візуальным мозгам. У некаторых жывёл (напрыклад, дэльфінаў) ён таксама прысутнічае, але ў меншай ступені, тады як у чалавека неакортэкс складае вялікую долю кары галаўнога мозгу. Неакортэкс адказвае за нашу вышэйшую пазнавальную і інтэлектуальную дзейнасць.
ТРЫ ЗВЫШЧАЛАВЕЧЫЯ ТЫПЫ МОЗГУ
7. Калектыўны мозг. Наш мозг не заканчваецца толькі непасдрэна нашым мозгам, абмежаваным нашым целам. Мазгі і інтэлекты сацыяльных жывёл сінхранізуюцца адзім з адным. І чалавек не выключэнне. Нашыя розумы свядома, подсвядома і звышсвядома, асэнсавана і неасэнсавана актыўна кантактуюць пасіж сабой. Масавая свядомасць, калектыўнае несвядомае, фармальнае інфармацыйнае і хвалявае ведавае палі ўплываюць на нас, а мы на фармаванне гэтых яшчэ добра невывучаных феноменаў, з'яваў і шкталтаванняў. Наш групавы, калектыўны, масавы мозг ці лепей сказаць нашыя калектыўныя мазгі бываюць неарганізаваныя, выпадкова-арганізаваныя і адмыслова-арганізаваныя.
Акрамя, атрыманага ад Сусвету прыроднага калектыўнага камунікацыйнага і тэлепатычнага мозгу, чалавецтва стварыла яшчэ і штучны калектыўны мозг, які выкарыстоўвае штучны інтэллект і дзякуючы сусветнай павуціне (World Wide Web), абъядноўвае мозгавые сеткі (Brain Networks), нейронныя сеткі (Neural Networks), якія інтэгруюць чалавечыя і штучныя інтэллекты і ўтвараюць «Глабальны ці сусветны мозг».
8. Глабальны ці сусветны мозг.
Сюды можна аднесці такія паняцці, як «Глабальны мозг» (The Global Brain) Пітэра Расэла, як ён прадстаўлены ў яго аднайменным дакументальным фільме (1983), «Наасферу» Уладзіміра Вярнадскага, «World Brain», (Сусветны мозг) ці «Сусветную энцыклапедыю» Герберта Уэлса. Аб Сусветным мозгу незадоўга да Уэлса разважаў Нікола Тэсла. Ён меркаваў, што хуткае развіццё бесправадной сувязі можа паскорыць стварэнне сусветнага мозгу. У 1926 годзе Нікола Тэсла пісаў:
«Калі бесправадная сувязь будзе ідэальна прыменена, уся зямля ператворыцца ў велізарны мозг... Не толькі гэта, але і праз тэлебачанне і тэлефанію мы будзем бачыць і чуць адзін аднаго гэтак жа выдатна, як калі б мы былі твар у твар, нягледзячы на раздзяляльныя адлегласці у тысячы міль; і інструменты, з дапамогай якіх мы зможам гэта зрабіць, будуць надзіва простыя ў параўнанні з нашым цяперашнім тэлефонам. Мужчына зможа насіць яго ў кішэні камізэлькі».
9. Трансцэндэнтальны, квантавы альбо мета-мозг - гэта Сусветнае (універсальнае абсалютнае касмічнае) інтеллектуальнае поле, да якода высокадухоўныя людзі падлучаюцца дзякуючы працы з развіццём усвядомленнасці, свядоммасці і звыш-свядомасці.
Нікола Тэсла казаў:
«Веды прыходзяць з Космасу. Наша бачанне дасканалае. У нас ёсць дзве пары вачэй: зямныя і духоўныя. Няхай другія стануць асноўнымі. Сусвет жывы ва ўсіх сваіх праявах, як думаючая істота. Камень - такая ж думаючая і адчувальная істота, як расліна, звер або чалавек. Зіхатлівая зорка просіць, каб яе заўважылі, і калі б мы не былі настолькі паглынуты ўласнай персонай, мы б зразумелі яе мову і яе пасланне. Дыханне, вочы і вушы чалавека павінны напоўніць дыханне, вочы і вушы Сусвету...
...Мой мозг толькі прыёмная прылада. У касмічнай прасторы існуе нейкае ядро адкуль мы чэрпаем веды, сілы, натхненне. Я не пракраўся ў таямніцы гэтага ядра, але ведаю, што яно існуе»...
Усе гэтыя 9 тыпаў М.Е.Т.А.Мозгу з'яўляюцца аб'ектам брэйнбілдынгавай (ад англ. «brainbuilding» - літаральнна «будаванне мозгу» ці «разумовы культурызм») часткі нашага Светаразумення. Запрашаем разам узмацняць свае мазги і ўсе тыпы нашага інтэлекту. Чым будзе больш па-сапраўднаму разумных людзей на Зямлі - тым лепей для нас і ўсёй Планеты.
Падрабязней аб усім гэтым ды і не толькі ідзе гутарка ў нашым новым Светаразуменні.
© Андрэй Жалевіч. Светаразуменне. Пазнанне глыбінных сэнсаў, адкрыццё першапрычын і вышэйшых прызначэнняў..
Чытайце таксама пра «Светаразуменне»: