Адназначна, што Светаразуменне патрэбнае кожнаму чалавеку, але найбольш каштоўным яно будзе для асобных катэгорый людзей.

У самую першую чаргу Светаразуменне будзе карысным для:

1. Светлых людзей, якія актыўна займаюцца самаразвіццём, шукаюць сваё жыццёвае прызначэнне, сэнс існавання Сусвету, імкнуцца да паглыблення свядомасці і разумення таго, што, як і чаму адбываецца ў жыцці, да прыняцця мудрых рашэнняў і гарманізацыі свайго жыцця.

2. Думаючых людзей-мысляроў, якія не жадаюць, каб на іх уплывалі і імі маніпулявалі, якія будуюць сваю ўласную, ні ад каго незалежную і ні кім не навязаную звонку цэласную Карціну Свету, надзейную Мапу Рэчаіснасці.

3. Псіхолагаў, кансультантаў, коўчаў, настаўнікаў, якія вучаць людзей эфектыўна думаць, самастойна разважаць, дапамагаюць людзям знайсці сваё прызванне, сэнс жыцця, прынімаць рашэнні, якія найлепшым чынам дапасаваныя да ўнутраных і знешніх варункаў рэчаіснасці.

4. Бацькоў, бабуль і дзядуль, якія жадаюць, каб іх дзеці і ўнукі былі гарманічнымі асобамі, паспяховымі і выбітнымі людьмі, думаючымі вольна і самастойна, незалежна прынімалі свае ўласныя рашэнні і самі былі гаспадарамі сваёй свядомасці і свайго шчаслівага лёсу.

5. Маладых людзей новай фармацыі, якія толькі становяцца на самастойны Шлях і адчуваюць патрэбу ў эфектыўных прыладах для трапнага і дасціпнага разважання, разлічэнні праўды і хлусні, для крытычнага разбору таго, што адбываецца вакол, для пошуку і прыняцця рашэнняў.

6. Для людзей якія будуць адраджаць страчаныя сэнсы, аднаўляць гармонію, стануць знаццю, элітай, кметамі, шляхтай, Светам новага грамадства.

7. Кіраўнікам усіх узроўняў, якія імкнуцца зрабіць працу сваіх супрацоўнікаў больш усвядомленай і асэнсаванай, а дзейнасць сваіх арганізацый больш эфектыўнай, выніковай, устойлівай і канкурэнтаздольнай у стратэгічнай перспектыве.

8. Бізнесоўцаў, якія жадаюць пабудаваць гарманічны бізнес, па-сапраўднаму патрэбны людзям і ў максімальнай ступені дапасаваны да сацыяльных, экалагічных, культурных і духоўных варункаў.

9. Людзей, незалежна ад узросту і сферы дзейнасці, якія жадаюць стаць лідэрамі, будаўнікамі будучыні, выбітнымі дзеячамі ў сваіх галінах, прыкладамі для іншых, светлячкамі, якія паказваюць людзям Шлях.

Гэта пералік толькі асноўных сацыяльных групаў, для якіх Светаразуменне будзе вельмі карысным.

© Андрэй Жалевіч. Светаразуменне. Веданне глыбінных сэнсаў, адкрыццё першапрычын і вышэйшых прызначэнняў.

---

Чытайце пра «Светаразуменне»: