Веданне і разуменне сэнсу жыцця, свайго прызначэння і прызвання з'яўляюцца самым важным і лёса-вызначальным чыннікам, які ўплывае на ўвесь жыццёвы і духоўны Шлях чалавека.

Разуменне сэнсу жыцця, прызначэння і прызвання чалавека ўздзейнічае на ўсе бакі яго жыцця і дзейнасці. 

• Сэнс жыцця, прызначэнне і прызванне - гэта самы галоўны арыентыр для чалавека на Шляху яго самарэалізацыі. Гэта самы надзейны маяк для прыняцця жыццёва-важных рашэнняў у свеце, які сёння так хутка змяняецца. Генры Эмерсан Фосдзік казаў: «Ніякае жыццё ніколі не стане вялікім, пакуль яно не будзе на чымсьці засяроджана, чамусьці прысвечана і арганізавана». І веданне сэнсу жыцця, прызначэння і прызвання дапамагае нам засяродзіцца на самым галоўным. 
• Сэнс жыцця, прызначэнне і прызванне - гэта магутнейшы чыннік самаматывацыі, крыніца сілаў і натхнення. Як казаў Віктар Франкл: «Старанне знайсці сэнс жыцця з'яўляецца галоўнай матывавальнай сілай у чалавеку… Я не пабаюся сказаць, што ў свеце не існуе больш дзейснай дапамогі для выжывання нават у самых жудасных умовах, чым веданне, што тваё жыццё мае сэнс».
• Сэнс жыцця, прызначэнне і прызванне - гэта моцны чыннік раскрыцця скрытых талентаў і творчых здольнасцей. Як казаў Ёган Вольфганг фон Гётэ: «Геніем становіцца чалавек, які даведаўся пра сваё прызначэнне».
• Сэнс жыцця, прызначэнне і прызванне паднімае нас над звыклай бытавой мітуснёй і навязанымі звонку абмежаваннямі, тым самы расшырае нашыя перспектывы і адчыняе новыя магчымасці. Як казаў Мудрэц Патанджалі «Калі вас натхняе, якая-небудзь вялікая мэта, нейкая выбітная задума, вашы думкі раздзіраюць свае кайданы, ваш розум пераступае ўсе межы, ваша прытомнасць пашыраецца ва ўсіх кірунках, і вы апыняецеся ў новым, бліскучым і цудоўным свеце».
• Сэнс жыцця, прызначэнне і прызванне вядзе нас да сапраўднага поспеху, а не да поспеху ў навязанай нам яго парадыгме. Таму Альберт Эйнштэйн казаў: «Імкніся не да таго, каб дабіцца поспеху, а да таго, каб тваё жыццё мела сэнс». А калі жыццё мае сэнс - тады поспех гарантаваны!
• Сэнс жыцця, прызначэнне і прызванне - гэта стратэгічны чыннік персанальнай эфектыўнасці. Адзін з найвыбітнейшых бізнэс-кансультантаў свету Іцхак Адызэс сказаў: «У ўсяго ёсць прызначэнне, ва ўсяго ёсць сэнс. Нешта існуе дзеля нечага, а не дзеля самога сябе. Калі вы хочаце быць дзейсным, тады вы павінны адказаць на наступнае пытанне: у чым сэнс майго існавання, у чым маё прызначэнне, што натхняе вас у жыцці? Ці не назіралі вы калі-небудзь у жыцці, што калі вы натхнёныя чымсьці вельмі моцна, вы не звяртаеце ўвагі ні на што вакол. Вы не заўважаеце бегу часу, вы не заўважаеце, дзе вы, вы цалкам пагружаныя ў сваю справу. Пры гэтым у вас поўна энергіі. Калі вы робіце нешта, што сапраўды вам цікава - вы поўныя энергіі».
• Сэнс жыцця, прызначэнне і прызванне - гэта чыннік лідэрства. «Калі мы знаходзім у сабе сваё прызванне і падахвочваем іншых людзей рабіць тое ж самае – магчымасці для нашага росту становяцца бязмежнымі. Калі нам не атрымоўваецца гэтага зрабіць, мы будзем проста жыць. Але якое сумнае і бязрадаснае будзе гэтае жыццё!», – пішуць Кен Робінсан і Лу Ароніка.
• Сэнс жыцця, прызначэнне і прызванне - гэта вызначальны чыннік у фарміраванні добрых адносін. Адносіны з іншымі душамі не будуць гарманічнымі, калі людзі, якія ў іх уступаюць не ведаюць свайго прызначэння, прызвання і сэнсу свайго жыцця.
• Сэнс жыцця, прызначэнне і прызванне - гэта галоўны чыннік адчування шчасця і здабыцця ўнутранага пакою. Карл Густаў Юнг казаў: «Адсутнасць сэнсу ў жыцці гуляе крытычную ролю ў этыялогіі неўрозу. У канчатковым рахунку неўроз варта разумець як пакута душы, якая не знаходзіць свайго сэнсу. Каля траціны маіх выпадкаў - гэта пакута не ад нейкага клінічна вызначанага неўрозу, а ад бессэнсоўнасці і бязмэтнасці ўласнага жыцця».
• Сэнс жыцця, прызначэнне і прызванне - гэта чыннік псіхасаматыкі, здароўя і даўгажыцця. Навуковыя медычныя даследванні паказалі, што людзі, якія адчуваюць сэнс свайго жыцця з'яўляюцца больш здаровымі і даўжэй жывуць. Французскі філосаф і пісьменнік Альбер Камю аднойчы сказваў: «Я бачыў, як шмат людзей памірае таму, што жыццё для іх больш не каштавала таго, каб жыць. З гэтага я раблю выснову, што пытанне аб сэнсе жыцця – самае надзённае».
• Сэнс жыцця, прызначэнне і прызванне - гэта магутны чыннік духоўнай самарэалізацыі. «Калі мы падключаемся да прызвання, то трапляем у іншую прастору, — сказаў мастак Кіт Харынг, — мы злучаемся са з'явамі сусветнага маштабу, якія знаходзяцца цалкам за межамі нашага эга і самасці. Гэта і ёсць самае галоўнае».
• Веданне сэнсу жыцця, прызначэння і прызвання - гэта паказчык даросласці асобы. Макс Фрай сказаў: «Калі хтосьці маленькі даведаецца сэнс жыцця, ён становіцца дарослым...»!
• Пошукі сэнсу жыцця, прызначэння і прызвання - гэта тое, што адрознівае людзей ад жывёл. Віктар Франкл казаў: «Воля да сэнсу - найбольш чалавечы феномен, бо толькі жывёла не бывае заклапочана сэнсам свайго існавання». 

Сэнс жыцця, прызначэнне і прызванне з'яўляюцца настолькі важнымі паняццямі ў нашым жыцці, што вялікі фізік Блез Паскаль казаў: «Гора людзям, якія не ведаюць сэнсу свайго жыцця». А Марк Твен падкрэсліў важкасць сэнсу жыцця такімі словамі: «Ёсць два самыя важныя дні ў тваім жыцці: дзень, калі ты з'явіўся на свет, і дзень, калі ты зразумеў навошта»!

Светаразуменне (астралогія, астрасофія, астрапсіхалогія, метафізіка, касмалогія, теалагіка) дапамагае нам знайсці згублены сэнс жыцця і зноў стаць на Шлях свайго жыццёвага прызначэння, які найбольш дапасаваны да касмічных патокаў і гарманічны з Сусветам.

Калі ласка, чытайце таксама:

• Для чаго мы жывём?
• Што такое сэнс жыцця?
• Прызначэнне чалавека
• Прызванне чалавека
• Місія і справа жыцця
• Стратэгія дзейнасці
• Што дае сэнс жыцця?
• Як знайсці свой шлях?
• Зорнае настаўніцства