У кожным жарце толькі доля жарту... Джордж Карлін (George Carlin, 1937-2008) — амерыканскі стэндап-комік, акцёр, пісьменнік, сцэнарыст, прадзюсер, уладальнік чатырох прэмій «Грэмі» і прэміі Марка Твэна.

Джордж Карлін зняўся ў 16 фільмах і з'яўляецца аўтарам 5 кніг. Ён быў вядомы сваёй палітычнай праніклівасцю, чорным гумарам, моўнымі назіраннямі, а таксама выказваннямі на тэму псіхалогіі, рэлігіі і маналогамі на многія вострыя тэмы.

Вось яшчэ некалькі яго высказаванняў:

Прымусіць дзяцей чытаць - не галоўнае. Дзеці, якія жадаюць чытаць, будуць чытаць. Дзеці, якія жадаюць навучыцца чытаць, будуць вучыцца чытаць. Значна важней навучыць дзяцей сумнявацца ў прачытаным. Дзяцей трэба вучыць сумнявацца ва ўсім запар. Сумнявацца ва ўсім, што яны прачыталі, ва ўсім, што яны чуюць. Дзяцей трэба вучыць сумнявацца ва ўладзе. Бацькі ніколі не вучаць сваіх дзяцей сумнявацца ва ўладзе, таму што яны самі - уладныя фігуры, і яны не хочуць падрываць лайновыя асновы свайго ўласнага дома.

Становіцца менш альтэрнатываў, газэты ў гэтым горадзе, колькі іх? Было 3-4, зараз адна ці дзве і імі валодаюць адны і тыя ж людзі, і яны ж валодаюць радыёстанцыяй… Няма неабходнасці ў фармальнай змове, калі ідзе супадзенне інтарэсаў, гэтыя людзі вучыліся ў тых жа ўніверах, удзельнічалі ў тых жа супольнасцях і загарадных клубах, у іх аднолькавыя інтарэсы, ім не навошта склікаць зборы, яны і так ведаюць, што ім наруку і яны бяруць гэта. Раней было 7 нафтавых кампаній, зараз іх 3, і хутка будзе 2. Тых рэчаў, якія маюць вагу ў гэтай краіне, становіцца ўсё менш: дзве палітычныя партыі, жменька страхавых кампаній, 6 ці 7 інфармацыйных кантор, але калі ты хочаш абаранкаў, то вось табе 23 розных густу. У гэтым ілюзія, ілюзія выбару. У тым, што важна, ты не выбіраеш і няма ніякай свабоды выбару.

Вайна - гэта спосаб багатых людзей абараніць свае інтарэсы, пасылаючы дзяцей сярэдняга і беднага класаў на смерць.

З планетай усё ў парадку. Гэта людзям гамон! - Jammin 'in New York, 1992.